Koonka Ka Ogsooni

 

The first lines of this poem which have become the concluding lines “abaal kuna, abaal kaydsan, abaal kun iyo dheeraada…” came to me on Jan12, 2022 at 9:14 AM while in the bathroom in the room of my quarantine hotel, Swissotel, Al Ghurair Center, Omar Bin Al Khatab Road, Deira Dubai. Then I completed it in the morning of January 13, and  finally made the last edits in the morning of January 14.

 

Koonka ka ogsooni

 

Koronuhu markuu igu dhacee, noloshu kayrkaytay

Ee kadimada la ii oodaye, la i karaantiinay

Kaynaanka ninkii iigu yimid, ina karaameeyey

Abiidaba kun deeq buu ahaa, duni kalkaalkeede

Ee kowba gurmad ii ahaa, koonka ka ogsooni

Saxiibadii kurbadu ii gashee, koolka damin waayey

Ee alla bariga iila soo kalahay, koonka ka ogsooni

Ehelkii kabtiga iyo ducada, igula soo kooyey

Ee kaarka iyo xanuunkaygu dhibay, koonka ka ogsooni

Reerkaygii keligood cidlada, kaalintay tebayey

Ee lahaa allow kaayagow, kani ku weydaari

Ee kalka iyo laabtayda culay, koonka ka ogsooni

Korka uun kuwii iga maqlee, yeedhmo kari waayey

Ee niyadda uun allow kici lahaa, koonka ka ogsooni

Kuwii yidhi allow uu kaw yidhaa, kani na weydaarto

Ee habaarka iila soo kuudadsaday, koonka ka ogsooni

Caafimaadku waa kayd ilaah, siiyo kuu rabo e

Haddaan karinka soo dhaafo oon, orodka kaynaansho

Abaal kuna, abaal kaydsan, abaal kun iyo dheeraada

Qof waliba Kalkaan ugu hayaa, Kaalintuu galaye.

 

---Bashir Goth, January 14, 2022.

 Hoos ka dhegeyso isaga oo coda ah (listen to the audio below):

Koonka Ka Ogsooni

https://soundcloud.com/bashir-goth/koonka-ka-ogsooni-m4a